സെക്കന്‍ഡ് സൂചി 12 ലെത്തുമ്പോള്‍ ലോഞ്ച് ചെയ്യാന്‍ തയാറായിരിക്കുന്ന മിസൈല്‍... 'സമയമാകുന്നു, 'ശിക്ഷാനേരം അടുത്തെത്തി ; ഇസ്രയേലിനെതിരെ ഭീഷണി സന്ദേശങ്ങളുമായി വീണ്ടും ഇറാന്‍
ഇസ്രയേല്‍ നടത്തിയ വ്യോമാക്രമണത്തിന് ഇറാന്‍ തിരിച്ചടിക്ക് സജ്ജമായെന്ന സൂചനകള്‍ പുറത്ത്. ഇറാന്‍ സൈന്യം സോഷ്യല്‍ മീഡിയ പ്ലാറ്റ്‌ഫോമായ എക്‌സില്‍ പങ്കുവച്ച് ഒരു പോസ്റ്റ് ഇപ്പോള്‍ വലിയ തോതില്‍ ചര്‍ച്ചയാകുകയാണ്.
'സമയമാകുന്നു' എന്ന കുറിപ്പോടെ എക്‌സില്‍ 'ട്രൂ പ്രോമിസ് 3' എന്ന ഹാഷ്ടാഗിനൊപ്പം ഇറാന്‍ സൈന്യം പങ്കുവച്ച വീഡിയോ പോസ്റ്റാണ് ചര്‍ച്ചയാകുന്നത്.
25 സെക്കന്റുള്ള വിഡിയോ ട്വീറ്റില്‍ ക്ലോക്കിന്റെ സെക്കന്റ് സൂചിയുടെ ശബ്ദവും ദൃശ്യവുമാണ് ആദ്യം കാണുക. സെക്കന്‍ഡ് സൂചി 12 ലെത്തുമ്പോള്‍ ലോഞ്ച് ചെയ്യാന്‍ തയാറായിരിക്കുന്ന മിസൈലാണ് വീഡിയോയില്‍ കാണിക്കുന്നകത്. 'ശിക്ഷാനേരം അടുത്തെത്തി' എന്ന് വീഡിയോയില്‍ ഇംഗ്ലിഷിലും പേര്‍ഷ്യന്‍ ഭാഷയിലും എഴുതി കാണിക്കുന്നുമുണ്ട്. 'ദൈവത്തിന്റെ അവസാന ന്യായവിധി അടുത്തു' എന്ന മറ്റൊരു പോസ്റ്റും ചിത്രവും തൊട്ടുപിന്നാലെയും പങ്കുവച്ചിട്ടുണ്ട്.
Facebook
Twitter
