ആംബുലന്സോ സഹായത്തിന് ആളുകളെയോ കിട്ടാതായതോടെ വയോധികന്റെ മൃതദേഹം മൂന്ന് കിലോമീറ്റര് ചുമന്ന് വനിത എസ്ഐ. ആന്ധ്രാപ്രദേശിലെ പ്രകാശം ജില്ലയില് ഹന്മന്തുണിപേട്ട് മണ്ഡലിലാണ് സംഭവം. വനിതാ എസ്ഐ കൃഷ്ണ പവാനിയാണ് പ്രശംസ പിടിച്ചുപറ്റുന്നത്.
കാട്ടിനുള്ളില് മൃതദേഹം കണ്ടെത്തിയതായി നാട്ടുകാര് വിവരമറിയിച്ചതിനെ തുടര്ന്നാണ് പോലീസ് സംഭവസ്ഥലത്തെത്തിയത്. എന്നാല്, മൃതദേഹം വഹിക്കാന് മറ്റുള്ളവര് തയ്യാറാകാതെ വന്നതോടെ കൃഷ്ണ ധൈര്യത്തോടെ ദൗത്യം ഏറ്റെടുക്കുകയായിരുന്നു.
പോസ്റ്റ്മോര്ട്ടം നടപടികള്ക്കായി കനിഗിരിയിലുള്ള ആശുപത്രിയിലേക്ക് മാറ്റാനാണ് മൃതദേഹം വനത്തില് നിന്ന് പുറത്തെത്തിച്ചത്. കാട്ടിലൂടെ കനത്ത ചൂട് പോലും അവഗണിച്ചായിരുന്നു പോലീസ് ഉദ്യോഗസ്ഥയുടെ പ്രവര്ത്തനം. കൃഷ്ണയെ സഹായിക്കാന് കോണ്സ്റ്റബിളും കൂടെയുണ്ടായിരുന്നു.