സംഗീത സംവിധായകന് രമേഷ് നാരായണ് അപമാനിച്ചുവെന്ന ആരോപണത്തില് നടന് ആസിഫ് അലിക്ക് പിന്തുണയുമായി അഭിനേതാക്കളുടെ സംഘടനയായ 'അമ്മ'. സംഘടനയുടെ ഔദ്യോഗിക സോഷ്യല് മീഡിയ പേജ് വഴിയാണ് നടന് പിന്തുണ പ്രഖ്യാപിച്ചത്. 'ആട്ടിയകറ്റിയ ഗര്വിനോട് നീ ചിരിച്ച ചിരിയാണ് യഥാര്ത്ഥ സംഗീതം അമ്മ ആസിഫിനൊപ്പം', എന്നാണ് താരത്തിന്റെ പിന്തുണ അറിയിച്ച് സംഘടനാ കുറിച്ചത്.
എം ടി വാസുദേവന് നായരുടെ ചെറുകഥകളെ ആസ്പദമാക്കി ഒരുങ്ങുന്ന 'മനോരഥങ്ങള്' എന്ന ആന്തോളജിയുടെ ട്രെയ്!ലര് ലോഞ്ചിനിടെയായിരുന്നു ആസിഫ് അലിയില്നിന്ന് പുരസ്കാരം ഏറ്റുവാങ്ങാതെ രമേശ് നാരായണ് അപമാനിച്ചത്.
ചടങ്ങില് പുരസ്കാരം നല്കാന് നടന് ആസിഫ് അലിയെയാണ് ക്ഷണിച്ചത്. ആസിഫ് അലി വരുകയും രമേഷ് നാരായണിന് പുരസ്കാരം നല്കുകയും ചെയ്തു. എന്നാല് താല്പ്പര്യമില്ലാതെ, ആസിഫിന്റെ മുഖത്ത് പോലും നോക്കാതെ പുരസ്കാരം വാങ്ങി സംവിധായകന് ജയരാജനെ വേദിയില് വിളിച്ചുവരുത്തി അദ്ദേഹത്തിന്റെ കയ്യില് കൊടുത്ത് പുരസ്കാരം രണ്ടാമതും ഏറ്റുവാങ്ങുകയാണ് ചെയ്തത്.