ആദ്യ ഷോ കാണാന്‍ സീറ്റ് ഇല്ലാതിരുന്നതിനാല്‍ ഭര്‍ത്താവിന്റെ സിനിമ തിയേറ്ററില്‍ നിലത്തിരുന്ന് കണ്ട് നടി റെബേക്ക സന്തോഷ്. ഭര്‍ത്താവ് ശ്രീജിത്ത് വിജയന്‍ സംവിധാനം ചെയ്ത 'ഇടിയന്‍ ചന്തു' തിയേറ്ററില്‍ നിലത്തിരുന്ന കാണുന്ന റെബേക്കയുടെ വീഡിയോയാണ് ശ്രദ്ധ നേടുന്നത്. തിയേറ്റര്‍ ഹൗസ്ഫുള്‍ ഷോ ആയതിനാലാണ് നടി നിലത്തിരുന്ന് സിനിമ ആസ്വദിച്ചത്.
നടി സിനിമയുടെ പോസ്റ്റര്‍ ഒട്ടിക്കുന്ന വീഡിയോയും ശ്രദ്ധ നേടുന്നുണ്ട്. മാര്‍ഗംകളി, കുട്ടനാടന്‍ മാര്‍പ്പാപ്പ എന്നീ ചിത്രങ്ങള്‍ക്ക് ശേഷം ശ്രീജിത്ത് വിജയന്‍ സംവിധാനം ചെയ്ത ചിത്രമാണ് ഇടിയന്‍ ചന്തു. വിഷ്ണു ഉണ്ണികൃഷ്ണന്‍ നായകനാകുന്ന സിനിമ ആക്ഷന്‍ എന്റര്‍ടെയ്‌നര്‍ ഴോണറിലാണ് ഒരുക്കിയിരിക്കുന്നത്. പീറ്റര്‍ ഹെയ്ന്‍ ആണ് ആക്ഷന്‍ കൊറിയോഗ്രഫി നിര്‍വഹിച്ചിരിക്കുന്നത്.
ക്രിമിനല്‍ പൊലീസുകാരനായ അച്ഛനെ കണ്ട് വളരുന്ന ചന്തുവിന്റെ ജീവിതമാണ് സിനിമ പറയുന്നത്. കലഹപ്രിയനായ ചന്തുവിന് അച്ഛന്റെ വട്ടപ്പേര് തന്നെ നാട്ടുകാര്‍ ചാര്‍ത്തിക്കൊടുക്കുന്നു, 'ഇടിയന്‍ ചന്തു'. പേര് സൂചിപ്പിക്കും പോലെ ഒരു ആക്ഷന്‍ പാക്ക്ഡ് എന്റര്‍ടെയ്‌നറാണ് ചിത്രം.
Facebook
Twitter
