അമ്മയോടുള്ള പിണക്കം മറന്ന് മകള്‍ മീനാക്ഷി. മഞ്ജു വാര്യരെ ഇന്‍സ്റ്റഗ്രാമില്‍ ഫോളോ ചെയ്തിരിക്കുകയാണ് മീനാക്ഷി ഇപ്പോള്‍. മഞ്ജുവും ദിലീപും വേര്‍പിരിഞ്ഞതിന് ശേഷം മീനാക്ഷി ദിലീപിനൊപ്പമാണ് താമസിക്കുന്നത്. ദിലീപിനൊപ്പം മീനാക്ഷി പൊതുചടങ്ങുകളില്‍ പങ്കെടുക്കാറുണ്ട്.
എന്നാല്‍ മഞ്ജുവിനൊപ്പം മീനാക്ഷിയെ കണ്ടിട്ടില്ല. 1998ല്‍ ആണ് ദിലീപും മഞ്ജുവും വിവാഹിതരാകുന്നത്. വര്‍ഷങ്ങളോളം വേര്‍പിരിഞ്ഞ് താമസിച്ചതിന് പിന്നാലെ 2015ല്‍ ആണ് ഇരുവരും ഔദ്യോഗികമായി വിവാഹമോചനം നേടിയത്. 2016ല്‍ ആണ് ദിലീപ് കാവ്യ മാധവനെ വിവാഹം ചെയ്തത്.
ഏതാനും ദിവസങ്ങള്‍ക്ക് മുമ്പാണ് മീനാക്ഷി എംബിബിഎസ് ബിരുദം നേടിയത്. അതിന്റെ സന്തോഷം ദിലീപ് പങ്കുവയ്ക്കുകയും ചെയ്തു. 'ദൈവത്തിന് നന്ദി. ഒരു സ്വപ്നം യാഥാര്‍ഥ്യമായിരിക്കുന്നു. എന്റെ മകള്‍ മീനാക്ഷി ഡോക്ടര്‍ ആയിരിക്കുന്നു. അവളോട് സ്‌നേഹവും ബഹുമാനവും' ബിരുദദാനത്തിന് ശേഷം സര്‍ട്ടിഫിക്കറ്റുമായി നില്‍ക്കുന്ന മീനാക്ഷിയുടെ ചിത്രം പങ്കുവച്ച് ദിലീപ് കുറിച്ചത്.
എന്നാല്‍ ഈ ചടങ്ങുകളില്‍ ഒന്നും മഞ്ജു വാര്യര്‍ ഉണ്ടായിരുന്നില്ല. അതേസമയം, ചെന്നൈയിലാണ് മീനാക്ഷി എംബിബിഎസ് പൂര്‍ത്തിയാക്കിയത്. പഠനത്തിനിടെയുള്ള സമയത്ത് നാട്ടില്‍ വന്നാല്‍ കുടുംബത്തോടൊപ്പം പൊതുപരിപാടികളില്‍ പങ്കെടുക്കാറുണ്ട്.
ദിലീപിന്റെ അവസാനമെത്തിയ ചിത്രം പവി കെയര്‍ടേക്കറിന്റെ ഓഡിയോ ലോഞ്ചിലും മീനാക്ഷി എത്തിയിരുന്നു. സോഷ്യല്‍ മീഡിയയില്‍ ഏറെ ഫോളോവേഴ്‌സ് ഉള്ള മീനാക്ഷിയുടെ ചില നൃത്ത വീഡിയോകള്‍ വൈറല്‍ ആയിട്ടുണ്ട്. ബാല്യകാലം മുതല്‍ നൃത്തം അഭ്യസിക്കുന്നുണ്ട്.
Facebook
Twitter
