മലയാളി യുവാവ് സൗദി കിഴക്കന്‍ പ്രവിശ്യയിലെ ജുബൈലില്‍ വാഹനാപകടത്തില്‍ മരിച്ചു. മലപ്പുറം അരീക്കോട് അത്താണിക്കല്‍ സ്വദേശി സഹീദ് ചെറൂത്ത് (40) ആണ് മരിച്ചത്. റോഡിന്റെ അരികില്‍ വാഹനം നിര്‍ത്തി അതിന്റെ തകരാര്‍ പരിഹരിക്കുന്നതിനിടയില്‍ മറ്റൊരു വാഹനം വന്നിടിച്ചായിരുന്നു അപകടം. റാസ് അല്‍ ഖൈര്‍ നാരിയ-മുനീഫ റോഡിലാണ് അപകടമുണ്ടായത്.
ജുബൈലിലെ ഒരു ഓയില്‍ വര്‍ക്ക് ഷോപ്പില്‍ ഹെവി ട്രക്ക് ഡ്രൈവര്‍ ആയി ജോലി ചെയ്തു വരികയായിരുന്നു. മൃതദേഹം ജുബൈല്‍ ജനറല്‍ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. ഔദ്യോഗിക നടപടികള്‍ പുരോഗമിക്കുകയാണെന്ന് ബന്ധപ്പെട്ടവര്‍ അറിയിച്ചു. കൈത്തായില്‍പാറ അബൂബക്കര്‍ മുസ്ലിയാരുടെ മകനാണ്. മാതാവ് - ഫാത്തിമ. ഭാര്യ - ജുവൈരിയത്തുല്‍ ഹുസ്‌ന, മക്കള്‍ - ഫാത്തിമ റന്‍സ, മുഹമ്മദ് റസാന്‍.
Facebook
Twitter
