അന്താരാഷ്ട്ര വിമാന സര്‍വീസുകള്‍ പുനര്‍ ആരംഭിക്കുന്നതിനുള്ള നടപടികള്‍ ആരംഭിച്ച് സൗദി
അന്താരാഷ്ട്ര വിമാന സര്‍വീസുകള്‍ ആരംഭിക്കുന്നതിന് സൗദി ആഭ്യന്തര മന്ത്രാലയവും സിവില്‍ ഏവിയേഷനും അനുമതി നല്‍കിയതോടെ നടപടികള്‍ ഊര്‍ജിതമാക്കി വിമാന കമ്പനികള്‍. യാത്ര ചെയ്യുന്നിടങ്ങളിലേക്കുള്ള കോവിഡ് ചട്ടങ്ങളും നിബന്ധനകളും സൗദി എയര്‍ലൈന്‍സ് പുറത്തിറക്കി. കോവിഡിനെ തുടര്‍ന്ന് നിറുത്തിവെച്ച അന്താരാഷ്ട്ര വിമാന സര്‍വീസുകള്‍ പുനരാരംഭിക്കുന്നതിനാണ് കഴിഞ്ഞ ദിവസങ്ങളില്‍ മന്ത്രാലയവും സിവില്‍ ഏവിയേഷന്‍ അതോറിറ്റിയും അനുമതി നല്‍കിയത്.
അതോറിറ്റുകളുടെ അന്തിമ അനുമതി ലഭ്യമായതോടെ സര്‍വീസ് ഷെഡ്യൂള്‍ ചെയ്യുന്നതിനുള്ള നടപടികള്‍ വിമാന കമ്പനികളും ഊര്‍ജിതമാക്കി. സൗദി ആഭ്യന്തര മന്ത്രാലയവും തുടര്‍ന്ന് സൗദി സിവില്‍ ഏവിയേഷന്‍ അതോറിറ്റിയുമാണ് സര്‍വീസ് ആരംഭിക്കുന്നതിന് കമ്പനികള്‍ക്ക് നിര്‍ദ്ദേശം നല്‍കിയിരുന്നത്. സര്‍വീസ് ആരംഭിക്കുന്നത് മുതല്‍ യാത്ര ചെയ്യാന്‍ ഉദ്ദേശിക്കുന്ന രാജ്യങ്ങളില്‍ നിലവിലുള്ള കോവിഡ് ചട്ടങ്ങളും യാത്രാ നിബന്ധനകളും സംബന്ധിച്ച വിശദ വിവരങ്ങള്‍ സൗദി എയര്‍ലൈന്‍സ് പുറത്തിറക്കി.
Facebook
Twitter
