കൊഴിഞ്ഞുപോയ രണ്ട് വര്‍ഷങ്ങള്‍ക്ക് ഞങ്ങള്‍ നിങ്ങള്‍ക്ക് പകരം നല്‍കുന്നു'... സൗദിയില്‍ കോവിഡിനുശേഷം വിനോദ പരിപാടികള്‍ പുനരാരംഭിക്കുന്നു
സൗദിയില്‍ കോവിഡിനുശേഷം വിനോദ പരിപാടികള്‍ പുനരാരംഭിക്കുന്നു. ടൂറിസം മന്ത്രാലയത്തിനുകീഴില്‍ ഈ വര്‍ഷം അവസാന പാദത്തില്‍ മെഗാ പരിപാടി സംഘടിപ്പിക്കാനാണ് പദ്ധതി. റിയാദ് സീസണ്‍ എന്ന പേരിലാണ് പരിപാടികള്‍ക്ക് വീണ്ടും തുടക്കം കുറിക്കുന്നത്. കോവിഡിനെ തുടര്‍ന്ന് നിറുത്തിവച്ച വിനോദ പരിപാടികള്‍ വീണ്ടും ആരംഭിക്കുന്നതിനുള്ള ഒരുക്കത്തിലാണ് സൗദി അറേബ്യ. രാജ്യത്തുടനീളം നടത്തി വന്ന സീസണ്‍ ഫെസ്റ്റിവെലുകള്‍ക്ക് വീണ്ടും തുടക്കം കുറിക്കാനാണ് തീരുമാനം. ടൂറിസം മന്ത്രാലയത്തിനുകീഴില്‍ ഈ വര്‍ഷം അവസാന പാദത്തില്‍ റിയാദ് സീസണ്‍ എന്ന പേരിലാണ് വീണ്ടും വിനോദ പരിപാടികള്‍ ആരംഭിക്കുക. ഇതിന്റെ മുന്നോടിയായി മന്ത്രാലയത്തിനുകീഴില്‍ പ്രൊമോഷന്‍ കാംപിയിനിനു തുടക്കമായി.
കൊഴിഞ്ഞുപോയ രണ്ട് വര്‍ഷങ്ങള്‍ക്ക് ഞങ്ങള്‍ നിങ്ങള്‍ക്ക് പകരം നല്‍കുന്നു' എന്ന തലക്കെട്ടിലാണ് കാംപയിന്‍. റിയാദ് നഗരത്തിലും സമൂഹമാധ്യമങ്ങളിലുമാണ് കാംപയിന്‍ നടന്നുവരുന്നത്. ഒപ്പം 'ടൂ ഇയേഴ്‌സ് ഡോട്ട് എസ്.എ' എന്ന വെബ്‌സൈറ്റ് വഴിയും മന്ത്രാലയം പൊതുജനങ്ങളുടെ അഭിപ്രായങ്ങള്‍ തേടുന്നുണ്ട്. വൈവിധ്യമാര്‍ന്ന വിനോദ, കലാ, സാംസ്‌കാരിക പരിപാടികള്‍ അടക്കമായിരിക്കും വരാനിരിക്കുന്നതെന്നും മന്ത്രാലയം വ്യക്തമാക്കി
Facebook
Twitter
