ശസ്ത്രക്രിയ ചെയ്ത് രൂപമാറ്റം വരുത്തിയോ എന്ന് ചോദിക്കുന്നവര്‍ക്ക് മറുപടിയുമായി നടി അമൃത നായര്‍. കുടുംബവിളക്ക് എന്ന സീരിയലിലെ ശീതള്‍ എന്ന കഥാപാത്രത്തിലൂടെ ശ്രദ്ധ നേടിയ താരമാണ് അമൃത. ഇടയ്ക്ക് വച്ച് പരമ്പരയോട് വിട പറഞ്ഞെങ്കിലും കുടുംബ പ്രേക്ഷകരുടെ ഇഷ്ട താരമാണ് അമൃത.
പല്ലില്‍ കമ്പി ഇട്ടതാണ് രൂപമാറ്റത്തിന് കാരണമെന്നും യാതൊരുവിധ ശസ്ത്രക്രിയയും ചെയ്തിട്ടില്ല എന്നാണ് അമൃത തന്റെ യൂട്യൂബ് ചാനലില്‍ പങ്കുവച്ച വീഡിയോയില്‍ പറയുന്നത്. ഓള്‍ഡ് പിക് ചാലഞ്ച് എന്ന പേരില്‍ അമൃത സോഷ്യല്‍ മീഡിയയില്‍ ഫോട്ടോ പങ്കുവച്ചിരുന്നു.
ഈ ഫോട്ടോയ്ക്ക് താഴെയാണ് ഇതാരാ എന്ന സംശയങ്ങളും സര്‍ജറി ചെയ്തുവെന്ന വിമര്‍ശനങ്ങളും എത്തിയത്. ഇതിനോടാണ് അമൃത പ്രതികരിച്ചിരിക്കുന്നത്. 2015ല്‍ എടുത്ത ഫോട്ടോ ആണ് സോഷ്യല്‍ മീഡിയയില്‍ പങ്കുവച്ചത്.
ഇപ്പോഴത്തെ രൂപത്തില്‍ നിന്നും വളരെ വ്യത്യസ്തമാണത്. പ്ലാസ്റ്റിക് സര്‍ജറിയോ ഇന്‍ജക്ഷനോ മരുന്നുകളോ കഴിച്ചാണോ ഈ മാറ്റമെന്നും പലരും കമന്റ് ചെയ്തു. എന്നാല്‍ താന്‍ അതൊന്നും ചെയ്തിട്ടില്ല.
പല്ലില്‍ കമ്പി ഇട്ടതും പിന്നെ പ്രായമാകുമ്പോള്‍ സ്വാഭാവികമായി ഉണ്ടാകുന്നതുമാണ് ഈ മാറ്റങ്ങള്‍ക്ക് കാരണം. ഹെയര്‍ സ്‌റ്റൈല്‍, ഡ്രസ്സിങ് എന്നിവയില്‍ വരുത്തുന്ന മാറ്റങ്ങളും ലുക്കില്‍ പ്രതിഫലിക്കുമെന്നും അമൃത വീഡിയോയില്‍ പറഞ്ഞു.
Facebook
Twitter
