മകനെയും കുടുംബത്തെയും വീടിന് തീയിട്ട് കൊലപ്പെടുത്തിയ കേസില് പ്രതി ഹമീദുമായി പോലീസിന്റെ തെളിവെടുപ്പ് നടത്തി. മകനുമായുള്ള സ്വത്ത് തര്ക്കമാണ് കൂട്ടക്കൊലയ്ക്ക് കാരണമായതെന്നാണ് പോലീസിന്റെ കണ്ടെത്തല്. അതേസമയം, പോലീസ് കസ്റ്റഡിയിലും യാതൊരു കൂസലുമില്ലാതെയായിരുന്നു ഹമീദിന്റെ പെരുമാറ്റം.സ്വത്ത് തര്ക്കത്തിന് പുറമേ മറ്റുപലകാര്യങ്ങളെച്ചൊല്ലിയും ഹമീദ് വീട്ടില് നിരന്തരം വഴക്കിട്ടിരുന്നതായാണ് വിവരം. എല്ലാദിവസവും മീനും ഇറച്ചിയും വേണമെന്നായിരുന്നു പ്രതിയുടെ ആവശ്യം. ഇതേച്ചൊല്ലിയും വീട്ടില് വഴക്ക് പതിവായിരുന്നു. ജയിലിലാണെങ്കില് രണ്ടുദിവസമെങ്കിലും മട്ടണ് കിട്ടുമെന്നും പ്രതി സമീപത്തെ കടകളിലെത്തി പറഞ്ഞിരുന്നു.
ഇന്ന് പുലര്ച്ചെയാണ് ഹമീദ് മകനെയും കുടുംബത്തെയും വീടിന് തീവെച്ച് കൊലപ്പെടുത്തിയത്. ചീനിക്കുഴി സ്വദേശി മുഹമ്മദ് ഫൈസല്, ഭാര്യ ഷീബ, മക്കളായ മെഹര്, അസ്ന എന്നിവരാണ് മരിച്ചത്.
ഒരു വര്ഷത്തിലേറെയായി സ്വത്ത് തര്ക്കങ്ങള് നിലനില്ക്കുന്നുണ്ടെന്നും കഴിഞ്ഞദിവസമുണ്ടായ തര്ക്കമാണ് കൊലപാതകത്തിലേക്ക് നയിച്ചതെന്നും പൊലീസ് വ്യക്തമാക്കി.
പ്രതിയ്ക്കെതിരെ ശക്തമായ തെളിവുകളും സാക്ഷികളും ഉണ്ടെന്ന് ഡിഐജി നീരജ്കുമാര് വ്യക്തമാക്കി. ആസൂത്രിത കൊലപാതകം, തീവയ്പ് വകുപ്പുകളാണ് ഹമീദിനെതിരെ ചുമത്തിയിരിക്കുന്നത്.
മുറിയില് പെട്രോളൊഴിച്ച് തീയിട്ട ശേഷം ഹമീദ് നേരത്തെ കരുതിയിരുന്ന പെട്രോള് കുപ്പികള് തുടര്ച്ചയായി വീടിനകത്തേക്ക് എറിഞ്ഞുകൊണ്ടിരുന്നു. ഇതോടെ തീ ആളികത്തുകയായിരുന്നു. പ്രാണരക്ഷാര്ഥം ഫൈസലും കുടുംബവും ശൗചാലയത്തില് ഒളിച്ചു. എന്നാല് വാട്ടര് കണക്ഷന് വിശ്ചേദിച്ചതിനാല് വെള്ളം ഒഴിച്ച് തീ അണയ്ക്കാന് സാധിച്ചില്ല
മുറിയില് പെട്രോളൊഴിച്ച് തീയിട്ട ശേഷം ഹമീദ് നേരത്തെ കരുതിയിരുന്ന പെട്രോള് കുപ്പികള് തുടര്ച്ചയായി വീടിനകത്തേക്ക് എറിഞ്ഞുകൊണ്ടിരുന്നു. ഇതോടെ തീ ആളികത്തുകയായിരുന്നു. പ്രാണരക്ഷാര്ഥം ഫൈസലും കുടുംബവും ശൗചാലയത്തില് ഒളിച്ചു. എന്നാല് വാട്ടര് കണക്ഷന് വിശ്ചേദിച്ചതിനാല് വെള്ളം ഒഴിച്ച് തീ അണയ്ക്കാന് സാധിച്ചില്ല.