പിതാവിന്റെ മരണശേഷം മാനസികാരോഗ്യ പ്രശ്‌നങ്ങളുമായി പൊരുതുന്ന താന്‍ ഉത്കണ്ഠയ്ക്കുള്ള മരുന്ന് കഴിക്കുകയാണെന്ന് ഇംഗ്ലണ്ട് ടെസ്റ്റ് ക്യാപ്റ്റന്‍ ബെന്‍ സ്റ്റോക്‌സ് വെളിപ്പെടുത്തി.
ഏകദേശം രണ്ട് വര്‍ഷം മുമ്പ് മസ്തിഷ്‌ക കാന്‍സര്‍ ബാധിച്ച് പിതാവിനെ നഷ്ടപ്പെട്ടതിനെത്തുടര്‍ന്ന് തുടര്‍ച്ചയായ പരിഭ്രാന്തിയിലായതിനാല്‍ മാനസികാരോഗ്യത്തില്‍ ശ്രദ്ധ കേന്ദ്രീകരിക്കുന്നതിനായി സ്റ്റോക്‌സ് കഴിഞ്ഞ വര്‍ഷം ക്രിക്കറ്റില്‍ നിന്ന് നാല് മാസത്തെ വിശ്രമം എടുത്തിരുന്നു.
'ബെന്‍ സ്റ്റോക്‌സ്: ഫീനിക്‌സ് ഫ്രം ദ ആഷസ്' എന്ന ഡോക്യുമെന്ററിയുടെ പ്രകാശനത്തിന് മുന്നോടിയായി മാധ്യമങ്ങളെ അഭിസംബോധന ചെയ്യവേ, താന്‍ മരുന്ന് കഴിക്കുകയാണെന്നും ഇത് ഒരു തുടര്‍ച്ചയായ പ്രക്രിയയാണെന്നും അദ്ദേഹം പറഞ്ഞു. അദ്ദേഹം പറഞ്ഞു, 'അത്തരത്തിലുള്ള കാര്യങ്ങള്‍ക്ക് എന്നെ സഹായിക്കാന്‍ ഞാന്‍ മരുന്ന് കഴിക്കുമെന്ന് ഞാന്‍ ഒരിക്കലും കരുതിയിരുന്നില്ല. ആ സമയത്ത് എനിക്ക് സഹായം ആവശ്യമായിരുന്നതിനാല്‍ അത് പറയാന്‍ എനിക്ക് യാതൊരു ലജ്ജയും തോന്നുന്നില്ല ,' സ്റ്റോക്‌സ് പറഞ്ഞു.
'എന്നാല്‍ ഞാന്‍ വീണ്ടും കളിക്കാന്‍ തുടങ്ങിയതുകൊണ്ടല്ല ഇത് ചെയ്യുന്നത്. ഞാന്‍ ഇപ്പോഴും ഡോക്ടറോട് സംസാരിക്കുന്നു, പക്ഷേ പതിവായി അല്ല, ഞാന്‍ ഇപ്പോഴും മരുന്ന് കഴിക്കുന്നു. ഇതൊരു തുടര്‍ച്ചയായ പ്രക്രിയയാണ്, 'അദ്ദേഹം കൂട്ടിച്ചേര്‍ത്തു.
മരണാസന്നനായ പിതാവിനെ കാണാന്‍ കഴിയാതിരുന്നതിനാല്‍ ക്രിക്കറ്റിനോട് കടുത്ത നീരസവും ദേഷ്യവും തോന്നിയെന്നും അദ്ദേഹം പരാമര്‍ശിച്ചു.
Facebook
Twitter
