ഗോപി സുന്ദറുമായുള്ള വേര്‍പിരിയലിന് ശേഷം ഗായിക അഭയ ഹിരണ്‍മയി വാര്‍ത്തകളില്‍ നിറഞ്ഞിരുന്നു. എന്നാല്‍ ഇതൊന്നും തന്നെ ബാധിക്കില്ലെന്ന തരത്തില്‍ വാര്‍ത്തകളോട് ഒന്നും മൈന്‍ഡ് ചെയ്യാതെയാണ് അഭയ മുന്നോട്ടു പോയത്. ജീവിതത്തില്‍ ഒരാളെ മിസ് ചെയ്യുന്നുണ്ട് തുറന്നു പറഞ്ഞിരിക്കുകയാണ് അഭയ ഇപ്പോള്‍.
വേര്‍പിരിയലിന് ശേഷം ആദ്യമായാണ് അഭയ സംസാരിക്കുന്നത്. പറയാം നേടാം എന്ന ഷോയിലാണ് അഭയ മനസു തുറന്നത്. ജീവിതത്തില്‍ ഒരാളെ മിസ് ചെയ്യുന്നുണ്ടോ എന്ന് ചോദിച്ചാല്‍ തീര്‍ച്ചയായും മിസ് ചെയ്യുന്നുണ്ട്. എന്നാല്‍ അങ്ങനെയൊരു മിസിംഗ് ഇല്ല ആ വികാരം ഇല്ല എന്ന് പറഞ്ഞ് നമുക്ക് മുന്നോട്ട് പോവാന്‍ പറ്റില്ല.
എല്ലാത്തിലും ഉപരി താന്‍ ഇപ്പോള്‍ പ്രാധാന്യം കൊടുക്കുന്നത് കന്റെ കരിയറിനാണ് എന്നാണ് അഭയ പറയുന്നത്. വ്യക്തി ജീവിതത്തിന് കൂടുതല്‍ പ്രാധാന്യം നല്‍കിയ സമയത്ത് കരിയറില്‍ ശ്രദ്ധിക്കാനായിരുന്നില്ല എന്നും അഭയ ഹിരണ്‍മയി പറഞ്ഞിരുന്നു.
മുമ്പ് ജീവിതത്തില്‍ സ്വന്തം കാര്യങ്ങള്‍ക്ക് അത്രയധികം പ്രാധാന്യം കൊടുക്കാറില്ലായിരുന്നു. ഇപ്പോഴാണ് അതിനെ കുറിച്ച് മനസിലാക്കിയത്. പാട്ടാണ് ഇനി ജീവിതം. കരിയറിനാണ് പ്രഥമ പരിഗണന. നേരത്തെയുണ്ടായിരുന്ന തരത്തിലുള്ള കമ്മിറ്റ്‌മെന്റുകളൊന്നും ഇപ്പോഴില്ല.
അന്നും ഇന്നും ജീവിതത്തില്‍ എല്ലാ കാര്യങ്ങള്‍ക്കും കൂടെയുള്ളത് സുഹൃത്തുക്കളാണ്. തിരുവനന്തപുരത്തെ സുഹൃത്തുക്കള്‍ തന്നെയാണ് ഇപ്പോഴും ഒപ്പമുള്ളത്. വീട്ടുകാരും എല്ലാ പിന്തുണയുമായി കൂടെയുണ്ട്. എഞ്ചീനീയറിംഗ് പഠിച്ച് സംഗീതം കരിയറാക്കി മാറ്റിയപ്പോള്‍ ആ തീരുമാനത്തെ അവരും സ്വാഗതം ചെയ്തുവെന്നും അഭയ പറഞ്ഞു.
Facebook
Twitter
