കഴിഞ്ഞ കുറച്ചുദിവസങ്ങളായി നടന്‍ രണ്‍ബീര്‍ കപൂറിന്റെ ഒരു വീഡിയോ സോഷ്യല്‍ മീഡിയയില്‍ വൈറലാകുകയാണ്. ആരാധകന്റെ ഫോണ്‍ നടന്‍ വലിച്ചെറിയുന്നതാണ് വീഡിയോയിലുള്ളത്. ആരാധകന്‍ തുടര്‍ച്ചയായി സെല്‍ഫി എടുക്കാന്‍ ശ്രമിക്കുന്നത് രണ്‍ബീറിനെ പ്രകോപിതനാക്കി, ആരാധകന്റെ ഫോണ്‍ തട്ടിയെടുത്ത രണ്‍ബീര്‍ അത് വലിച്ചെറിയുന്നതായാണ് വീഡിയോയിലുള്ള ഉള്ളടക്കം.
നിമിഷ നേരം കൊണ്ട് തന്നെ വീഡിയോ സോഷ്യല്‍മീഡിയയില്‍ വൈറലായിരുന്നു. രണ്‍ബീര്‍ കപൂറിനെ അഹങ്കാരിയെന്ന് വിശേഷിപ്പിച്ച നെറ്റിസണ്‍സ് ഭാര്യയും ബോളിവുഡ് നടിയുമായ ആലിയ ഭട്ടിനോട് നടനെ മര്യാദകള്‍ പഠിപ്പിക്കാന്‍ ആവശ്യപ്പെടുകയും ചെയ്തു.
എന്നാല്‍ ഇപ്പോഴിതാ ഈ വീഡിയോയെ ചുറ്റിപ്പറ്റിയുള്ള ഒരു സത്യം പുറത്തുവന്നിരിക്കുകയാണ്. രണ്‍ബീര്‍ കപൂര്‍ ഒരു സ്മാര്‍ട്ട്‌ഫോണ്‍ കമ്പനിയുടെ പരസ്യം ചിത്രീകരിക്കുന്നതിനിടെയാണ് ഈ വീഡിയോ ചിത്രീകരിച്ചത് എന്നതാണ് വസ്തുതയെന്ന് റിപ്പോര്‍ട്ടുകള്‍ പറയുന്നു. അദ്ദേഹം പരസ്യം ചിത്രീകരിക്കുന്നതിനിടെ ആരോ അതിന്റെ വീഡിയോ പകര്‍ത്തി വൈറലാക്കി.
അതിനാല്‍ വാസ്തവത്തില്‍, നടന്‍ ഒരു പരസ്യ പരസ്യത്തിന് വേണ്ടി ഷൂട്ട് ചെയ്യുകയായിരുന്നു, ദേഷ്യത്തില്‍ രണ്‍ബീര്‍ കപൂര്‍ ഒരു ആരാധകന്റെ ഫോണ്‍ എറിഞ്ഞുവെന്ന അവകാശവാദമുള്ള വീഡിയോ തെറ്റിദ്ധരിപ്പിക്കുന്നതാണ്.
Facebook
Twitter
