എക്‌സ്പ്രസ് എന്‍ട്രി ഏറ്റവും പുതിയ ഡ്രോ ഇമിഗ്രേഷന്‍, റെഫ്യൂജീസ് ആന്‍ഡ് സിറ്റിസണ്‍ഷിപ്പ് കാനഡ (ഐആര്‍സിസി) ഓഗസ്റ്റ് 20ന് നടത്തി. രണ്ട് ദിവസങ്ങളിലായി നടത്തിയ രണ്ടാമത്തെ എക്‌സ്പ്രസ് എന്‍ട്രി ഡ്രോയാണിത്. 2015 ജനുവരിയില്‍ എക്‌സ്പ്രസ് എന്‍ട്രി തുടങ്ങിയ കാലം വച്ച് കണക്കാക്കിയാല്‍ 161ാമത്തെ ഡ്രോയുമാണിത്. കാനഡ എക്‌സ്പീരിയന്‍സ് ക്ലാസില്‍ പെട്ട 3300 ഉദ്യോഗാര്‍ത്ഥികള്‍ക്കാണ് ഈ ഡ്രോയിലൂടെ പിആറിനുള്ള ഇന്‍വിറ്റേഷനുകള്‍ നല്‍കിയിരിക്കുന്നത്.
454 അല്ലെങ്കില്‍ അതിലധികം കോംപ്രഹെന്‍സീവ് റാങ്കിംഗ് സിസ്റ്റം (സിആര്‍എസ്) സ്‌കോര്‍ നേടിയവര്‍ക്കാണ് ഇന്‍വിറ്റേഷന്‍ ടു അപ്ലൈ (ഐടിഎ) നല്‍കിയിരിക്കുന്നത്. ഇതിന് മുമ്പത്തെ ഡ്രോയായ ജൂലൈ 23ന് നടത്തിയ ഡ്രോയിലെ സിആര്‍എസ് കട്ട് ഓഫ് സ്‌കോറായ 445മായി താരതമ്യപ്പെടുത്തുമ്പോള്‍ ഇക്കഴിഞ്ഞ ഡ്രോയിലെ കട്ട് ഓഫ് സ്‌കോര്‍ ഒമ്പത് പോയിന്റുകള്‍ കൂടുതലാണ്. ഓഗസ്റ്റ് അഞ്ചിന് കാനഡ ഓള്‍ പ്രോഗ്രാം ഡ്രോ നടത്തിയതിനെ തുടര്‍ന്ന് പൂളിലേക്ക് കൂടുതല്‍ ഉദ്യോഗാര്‍ത്ഥികള്‍ പ്രവേശിച്ചതാണ് ഇത്തരത്തില്‍ സിആര്‍എസ് കട്ട് ഓഫ് സ്‌കോര്‍ വര്‍ധിക്കാന്‍ കാരണമായിരിക്കുന്നത്. ഈ വര്‍ഷം എക്‌സ്പ്രസ് എന്‍ട്രിയിലൂടെ മൊത്തം 65,750 പേര്‍ക്കാണ് ഇന്‍വിറ്റേഷനുകള്‍ നല്‍കിയിരിക്കുന്നത്.
എക്‌സ്പ്രസ് എന്‍ട്രി പ്രോഗ്രാം
വിദേശരാജ്യങ്ങളില്‍ നിന്നുമുള്ള കഴിവുറ്റ തൊഴിലാളികളെ കാനഡയില്‍ വേഗത്തിലും കാര്യക്ഷമമായ രീതിയിലും എത്തിക്കാന്‍ വേണ്ടി സിറ്റിസണ്‍ഷിപ്പ് ആന്‍ഡ് ഇമിഗ്രേഷന്‍ കാനഡ 2015 ജനുവരി ഒന്നിന് ലോഞ്ച് ചെയ്ത പ്രോഗ്രാമാണ് എക്‌സ്പ്രസ് എന്‍ട്രി പ്രോഗ്രാം. കാനഡയുടെ ഫെഡറല്‍ എക്കണോമിക് പ്രോഗ്രാമുകളായ ദി കനേഡിയന്‍ എക്‌സ്പീരിയന്‍സ് ക്ലാസ്, ദി ഫെഡറല്‍ സ്‌കില്‍ഡ് വര്‍ക്കര്‍ ക്ലാസ് ,ഫെഡറല്‍ സ്‌കില്‍ഡ് ട്രേഡ്‌സ് ക്ലാസ് എന്നിവയിലേക്കുള്ള കാനഡയുടെ ഇമിഗ്രേഷന്‍ മാനേജ്‌മെന്റ് സിസ്റ്റമാണ് എക്‌സ്പ്രസ് എന്‍ട്രി.
എക്‌സ്പ്രസ് എന്‍ട്രിയിലേക്കുള്ള തെരഞ്ഞെടുപ്പ് പ്രക്രിയ
അര്‍ഹതയുള്ള ഉദ്യോഗാര്‍ത്ഥികള്‍ എക്‌സ്പ്രസ് എന്‍ട്രി പൂളിലേക്ക് ഒരു പ്രൊഫൈല്‍ സമര്‍പ്പിക്കുകയാണ് ചെയ്യേണ്ടത്. അവിടെ അവര്‍ നേടിയ സിആര്‍എസിന്റെ അടിസ്ഥാനത്തില്‍ റാങ്കിംഗ് നിര്‍വഹിക്കുന്നു. പൂളില്‍ നിന്നും നടക്കുന്ന ഇടയ്ക്കിടെയുള്ള ഡ്രോയിലൂടെ ഉയര്‍ന്ന റാങ്കുള്ള ഉദ്യോഗാര്‍ത്ഥികളെ കാനഡ ഗവണ്‍മെന്റ് തെരഞ്ഞെടുക്കുകയാണ് ചെയ്യുന്നത്. പിആറിന് അപേക്ഷിക്കാനുള്ള ഇന്‍വിറ്റേഷന്‍ ലഭിക്കുന്ന ഉദ്യോഗാര്‍ത്ഥികള്‍ 60 ദിവസത്തിനുള്ളില്‍ ഒരു കംപ്ലീറ്റി ഇഅപ്ലിക്കേഷന്‍ സമര്‍പ്പിച്ചിരിക്കണം.
അതിന്റെ അടിസ്ഥാനത്തില്‍ കാനഡ ഗവണ്‍മെന്റ് ആ അപേക്ഷ ആറ് മാസത്തിനുളളില്‍ പ്രൊസസ് ചെയ്യുകയാണ് ചെയ്യുന്നത്. ഇതിന് മുമ്പ് ഇത്തരം അപേക്ഷകളില്‍ പലതും മൂന്ന് മാസക്കാലത്തിനുള്ളില്‍ തന്നെ പ്രൊസസ് ചെയ്തിട്ടുണ്ട്.ഒരു നിശ്ചിത പോയിന്റുകള്‍ നേടിയ അപേക്ഷകരെ ഗവണ്‍മെന്റ് ആഴ്ചകള്‍ കൂടുമ്പോള്‍ ആ പൂളില്‍ നിന്നും തെരഞ്ഞെടുക്കുകയാണ് ചെയ്യുന്നത്. ഇതിന്റെ കട്ട്ഓഫ് സ്‌കോര്‍ സന്ദര്‍ഭങ്ങള്‍ക്കനുസരിച്ചാണ് നിശ്ചയിക്കപ്പെടുന്നത്.വയസ്, വിദ്യാഭ്യാസം, അഡാപ്റ്റബിലിറ്റി ഘടകങ്ങള്‍, ഭാഷാപരിചയം, കാനഡയിലുള്ള പ്രവൃത്തിപരിചയം, അംഗീകരിച്ച ജോലി ഓഫര്‍, തുടങ്ങിയവയെ അടിസ്ഥാനപ്പെടുത്തിയാണ് അപേക്ഷര്‍ക്ക് പോയിന്റ് നല്‍കുന്നത്.
1200 പോയിന്റ് സ്‌കെയിലിനെ അടിസ്ഥാനമാക്കിയാണ് പോയിന്റുകള്‍ നല്‍കപ്പെടുന്നത്. തുടര്‍ന്ന് അവരെ ഒരു പൂളിലേക്ക് എന്റര്‍ ചെയ്യുകയും ചെയ്യുന്നു.ഒരു കനേഡിയന്‍ ജോലി ഓഫര്‍ (ലേബര്‍ മാര്‍ക്കറ്റ് ഇംപാക്ട് അസെസ്‌മെന്റ് അല്ലെങ്കില്‍ എല്‍എംഐഎ) ഉളളവര്‍ക്കോ ഒരു പ്രവിശ്യ നോമിനേറ്റ് ചെയ്യപ്പെടുന്നവര്‍ക്കോ ഓട്ടോമാറ്റിക്കായി 600 പോയിന്റുകള്‍ ലഭിക്കും.
Facebook
Twitter
