ഇന്ത്യയില് നാളെ മുതല് വാട്ട്സ് ആപ്പ്, ഫേസ്ബുക്ക്, ട്വിറ്റര് എന്നിവ ലഭ്യമായേക്കില്ല. സോഷ്യല് മീഡിയ പ്ലാറ്റ്ഫോമുകള്ക്കായി കേന്ദ്ര സര്ക്കാര് കൊണ്ടു വന്ന ചട്ടങ്ങള് അംഗീകരിക്കാനുള്ള അവസാന തിയ്യതിയായിരുന്നു മെയ് 25. ഫെയ്സ്ബുക്ക്, വാട്സാപ്പ്, ട്വിറ്റര്, ഇന്സ്റ്റഗ്രാം തുടങ്ങിയ സോഷ്യല് മീഡിയ പ്ലാറ്റ്ഫോമുകളൊന്നും പുതിയ നിര്ദേശങ്ങള് പാലിക്കാന് തയാറായിട്ടില്ലെന്നാണ് റിപ്പോര്ട്ട്.
ഇന്ന് നിലപാട് മാറ്റിയില്ലെങ്കില് ഇന്ത്യയില് ഈ പ്ലാറ്റ്ഫോമുകള് ഉപയോഗിക്കാന് സാധിക്കില്ലെന്നാണ് റിപ്പോര്ട്ട്. ട്വിറ്ററിന്റെ ഇന്ത്യന് വകഭേദമായ കൂ മാത്രമാണ് നിലവില് നിര്ദേശങ്ങള് പാലിച്ചിട്ടുള്ള ഏക സോഷ്യല് മീഡിയ ആപ്ലിക്കേഷന്.
2021 ഫെബ്രുവരിയിലാണ് കേന്ദ്ര ഐ.ടി മന്ത്രാലയം പുതിയ ഐടി നിയമം നടപ്പിലാക്കാന് സമൂഹമാധ്യമങ്ങള്ക്ക് നിര്ദേശം നല്കിയത്. ഇതിനായി മൂന്ന് മാസം അനുവദിക്കുകയും ചെയ്തിരുന്നു.
ഈ കാലാവധിയാണ് ഇന്ന് അവസാനിക്കുന്നത്. ട്വിറ്ററിന്റെ ഇന്ത്യന് പതിപ്പായ കൂ മാത്രമാണ് കേന്ദ്രസര്ക്കാരിന്റെ പുതിയ സമൂഹമാധ്യമ മാര്ഗനിര്ദേശങ്ങള് നടപ്പിലാക്കിയിരിക്കുന്നത്.