സീരിയല്‍ താരങ്ങളെല്ലാവരെയും പരിഹസിക്കുകയും അപമാനിക്കുകയും ചെയ്യുന്ന എഡിറ്റഡ് വിഡിയോ ; വിമര്‍ശനവുമായി നടന്‍ ജോണ്‍ ജേക്കബ്

സീരിയല്‍ താരങ്ങളെല്ലാവരെയും പരിഹസിക്കുകയും അപമാനിക്കുകയും ചെയ്യുന്ന എഡിറ്റഡ് വിഡിയോ ; വിമര്‍ശനവുമായി നടന്‍ ജോണ്‍ ജേക്കബ്
ദിവസങ്ങള്‍ക്ക് മുന്‍പ് വര്‍ക്കലയില്‍ ലോക് ഡൗണ്‍ നിയന്ത്രണങ്ങള്‍ തെറ്റിച്ചു ഷൂട്ടിങ് നടത്തിയ സീരിയല്‍ പ്രവര്‍ത്തകര്‍ അറസ്റ്റിലായി എന്ന വാര്‍ത്തകള്‍ വന്നിരുന്നു. പിന്നാലെ സീരിയല്‍ താരങ്ങളെല്ലാവരെയും പരിഹസിക്കുകയും അപമാനിക്കുകയും ചെയ്യുന്ന എഡിറ്റഡ് വിഡിയോസ് സോഷ്യല്‍ മീഡിയയില്‍ പ്രചരിച്ചു. ഈ പ്രവണതയ്‌ക്കെതികെ വിമര്‍ശനവുമായി നടന്‍ ജോണ്‍ ജേക്കബിന്റെ കുറിപ്പ്.

ഇന്നലെ ഞങ്ങളുടെ മകന്റെ online class ല്‍ self inroduction ആയിരുന്നു. പേരു പറഞ്ഞതിന് ശേഷം അവന്‍ അഭിമാനത്തോടെ പറഞ്ഞത് My Father is an Actor, My mother is an Atcress, I am staying at….. etc. ഞങ്ങള്‍ക്ക് അതില്‍ എന്തു സന്തോഷവും അഭിമാനവും ആണെന്നറിയാമോ?ഞങ്ങള്‍ക്കെന്നല്ല സിനിമയോ സീരിയലോ ഉപജീവനമായ ഏതൊരാള്‍ക്കും അല്ലെങ്കില്‍ my mother is a Home Maker എന്നു പറയുന്ന ഒരു കുട്ടിയുടെ അമ്മയും അനുഭവിക്കുന്നത് ഇതേ സന്തോഷമായിരിക്കും. അവരവരുടെ ജോലിയില്‍ നിന്നും കിട്ടുന്ന self esteem ആണ് അത്.

അവനവന്‍ ചെയ്യുന്ന ജോലിയില്‍ മക്കളോ വീട്ടുകാരോ അഭിമാനം കൊള്ളുന്നതില്‍ നിന്നും self esteem കിട്ടും എങ്കില്‍, daily അശ്ലീലമോ, പരദൂഷണമോ, എന്തു പച്ചക്കള്ളം എഴുതി പിടിപ്പിച്ചിട്ടാണേലും ഏറ്റവും കൂടുതല്‍ views,clicks, likes, subscribtion, comments,ads, എന്നിവ സംഘടിപ്പിക്കുന്ന youtube news channel ലുകളില്‍ ( എല്ലാവരെയും ഉദ്ദേശിച്ചിട്ടില്ല കേട്ടോ, മുകളില്‍ പറഞ്ഞിട്ടുള്ള കാര്യങ്ങള്‍ ചെയ്യുന്ന teams നെ മാത്രമേയുള്ളു ) ജോലി ചെയ്യുന്നവരുടെ അവസ്ഥ എന്തായിരിക്കും. നിങ്ങള്‍ എന്നെങ്കിലും ചിന്തിച്ചിട്ടുണ്ടോ?

3 ദിവസം മുന്‍പ് സീരിയല്‍ അഭിനയിക്കുന്നവരെ മുഴുവന്‍ അപമാനിക്കുന്ന രീതിയില്‍ ഒരു youtube news channel ഒരു video ചെയ്തു പോസ്റ്റുകയുണ്ടായി. കുറേ പേര്‍ കണ്ടു comment അടിച്ച് പരിഹസിച്ച് പോയി. അങ്ങനെയൊരു ദുഷ്പ്രചരണം നടത്തിയിട്ടും ആരും പ്രതികരിച്ചു കണ്ടില്ല ഒരുപക്ഷെ oh youtube channel അല്ലേ പോകാന്‍ പറ അവന്മാര് വെറും waste ആണ് എന്തും പറയാമല്ലോ എന്നൊക്കെ വിചാരിച്ചായിരിക്കും. പക്ഷേ എന്റെ ആശയം അതല്ല നിങ്ങള്‍ വളരണം. സിനിമയെയോ serial നെയോ വെല്ലുന്ന bgm, edits, story,എന്നിവ ചെയ്യുന്ന നിങ്ങളുടെ കഴിവ് എല്ലാവരുമറിയട്ടെ നിങ്ങളുടെ details ഓരോ വീഡിയോയുടെയും credits ല്‍ വരണമെന്നാണ് എന്റെ അഭിപ്രായം. അല്ലാതെ address ഇല്ലാതെ ഓരോ mobile videos മോശമാണ്.

ആരോ പറയുന്നത് കേട്ടു, ഏതേലും visuals കാണിച്ച് narrate ചെയ്തു സുഖിപ്പിക്കുന്നത് facebook ല്‍ fake account use ചെയ്തു തെറി പറയുന്നതുപോലെ ആണെന്ന്, plz നിങ്ങളുടെ photo യും പേരും നിങ്ങള്‍ വായിക്കുന്ന (sorry നിങ്ങള്‍ വായിച്ചു സുഖിപ്പിക്കുന്ന ) video യില്‍ ഉടനീളം corner ല്‍ post ചെയ്താല്‍ ആ പേരുദോഷവും മാറ്റാം, വൈകിട്ട് വീട്ടില്‍ ചെല്ലുമ്പോള്‍ പിള്ളേര്‍ക്കോ ഭാര്യക്കോ അച്ഛനോ അമ്മക്കോ അഭിമാനത്തോടെ കാണിച്ച് കൊടുത്ത് നേരത്തേ പറഞ്ഞ ആ self esteem നിങ്ങള്‍ക്കും അനുഭവിക്കാം.

എല്ലാ തൊഴിലിനോടും ബഹുമാനം മാത്രമേയുള്ളു. Youtube വാര്‍ത്തകളും നല്ലതാണ് പക്ഷേ അതു മറ്റൊരു വ്യക്തിയോ തൊഴില്‍ ചെയ്യുന്നവരെയോ അപമാനിച്ചിട്ടാവരുത്. ഒരു പക്ഷേ അങ്ങനെ ചെയ്യുന്നവര്‍ ഇന്ന് പടച്ചു വിടുന്ന ദുഷ്പ്രചരണങ്ങള്‍ നാളെ അവരുടെ തന്നെ മകനോ മകളോ ആ മേഖലയില്‍ ശോഭിക്കുന്നതിനു വിലങ്ങുതടിയായേക്കാം..

Other News in this category



4malayalees Recommends